Ek is hier en Ma is hier,
ons twee lê op Baas se baadjie.
Wie is jy?
Kom, loop verby!
Anders word ons knor ’n daadjie –
kry jou bene dalk ’n hap,
kry jou broekspyp dalk ’n gaatjie!
Mooipraat? Nee, ons ken jou nie;
weg jou hand, en raak ons nie!
“Oppas!” het die baas gesê,
“tot ek weer kom, hier bly lê!”
Op ons pootjies lê ons kop,
maar ons hou jou darem dop;
toe-oog slaap ons op die baadjie,
maar ons loer nog deur ’n gaatjie –
één oor plat, en één oor op,
pas op!